A vida de Beethoven non só foi intensa a nivel musical senon tamén en relación a temas amorosos. A lista de amantes é inmensa descoñecéndose moitas delas e moitos detalles sobre as relacións mantidas. Nunca casou, non se sentía capaz, era consciente de que tiña que facer moitas cousas que non lle permitirían total adicación como esposo.
Numerosos e variados son os relatos sobre a súa vida e todos difieren en pequenos aspectos sobre nomes, datas, fillos segredos, amantes,... o caso é que así, mantendo o misterio, fai que a súa vida sexa moito máis interesante.
Un feito real é o do achádego despois da súa morte de tres cartas de amor escritas nun mesmo día a unha muller á que o compositor se dirixe como “A miña amada inmortal”
Este feito da orixe ao argumento de varias películas adicadas á súa biografía.
Non se sabe con seguridade a quen están realmente adicadas estas cartas; chegouse a pensar na súa cuñada, en Josephine de Brunswick ou a irmá desta; pero moitos indicios apuntan na dirección de que a súa amada for Giulietta Guicciardi, alumna súa de piano e condesa moito máis nova que el á que lle adicou a súa sonata “Claro de luna”.
